thomasreite.no

Månad: februar 2021

Mind the Gap

By

On 11. februar 2021

In politikk

Dette gjer inntrykk.

“Antallet byområder hvor mer enn 40 prosent av barna bor i fattige familier, er tredoblet det siste tiåret.”

Sterk kronikk frå forskarane Ingar Brattbakk, Guro Ødegård og Kristin Aarland ved OsloMet.

Vidare står det:

«Økt segregering slår beina under det kanskje mest grunnleggende og ambisiøse av alle sosialdemokratiske prinsipper: Hvor du vokser opp, skal ikke påvirke livssjansene dine.

Dessverre gjør det akkurat det.»

Skal vi berre la dette skje? Nei. Det skal vi ikkje. Vi skal ha politikk som fordeler, ikkje segregerer.

There is no «them»

Alt som er verd å vite

By

On 8. februar 2021

In teknologi, tips

Eg har brukt utruleg mange timar på tips and tricks. På å lære om nye maskiner og programvare. Måtar å jobbe på, appar, snarvegar. Problemet er når eg brukar meir tid på å lære om potensialet ved ny teknologi, ny arbeidsflyt og nye system, enn faktisk å bruke det til å skape noko nyttig.

Ein ting eg kan slå fast etter årevis med lytting til podcastar og lesing av artiklar og googling om teknologi, produktivitet og tips og råd, er at David Sparks har gjort jobben med å finne ut alt som er verd å vite. Og han deler det. Han tilbyr skikkelig gode og grundige kurs der han formidlar akkurat det som er verd å vite om desse tinga. Ingenting å lure på lenger.

Asosiale medier

By

On 7. februar 2021

In lesing, tips

Etter så lang pause frå Facebook er det uvant å gå innom der. Det føles støyete og bråkete, omtrent som ein fortauskafé med litt for mange folk eg kjenner og litt for høg musikk. Eg går sikkert glipp av ting, men det er deilig å komme seg vekk frå ståket. Då vil eg heller lese meir og skrive meir.

Marimbondo Gigante

By

On 6. februar 2021

In musikk

Rocketrioen min gir ut sin første EP i dag! Fire låtar med tropisk rock. Underteikna på bass og vokal, Torbjørn Sandvik på gitar, Ole Andreas Olafsrud på trommer. Enjoy!

Marimbondo Gigante – Apple Music

Marimbondo Gigante – Spotify

The Gottmans

By

On 4. februar 2021

In Ymse

Det er sjeldan ein får høyre ein podcastepisode så fylt av djup visdom og praktisk kunnskap for dagleglivet, om eit tema som er så livsviktig for alle vi som har andre menneske tett innpå oss. Men dette er altså ein sånn episode som burde stå på pensum i livets vidareutdanning. Brené Brown har intervjua John og Julie Gottman. Dei er dei mest anerkjente forskarane på parrelasjonar i verda, og dei lever etter sine eigne råd. Ein skikkeleg fin, morsom og ikkje minst lærerik samtale.

Eg var så heldig å få møte John og Julie Gottman då dei var i Oslo sist, og eg passa på å få takka dei for bøkene deira.

Her er link til episoden.

68 skikkeleg gode råd

By

On 3. februar 2021

In Ymse

Kanskje den beste oppdaginga eg gjorde på nettet i 2020 var denne lista med 68 råd frå web-guru Kevin Kelly. Det er ei liste det er verd å komme tilbake til igjen og igjen.

Det heile startar med:

“Learn how to learn from those you disagree with, or even offend you. See if you can find the truth in what they believe.”

Eitt av favorittråda mine er dette:

“A worthy goal for a year is to learn enough about a subject so that you can’t believe how ignorant you were a year earlier.”

Dette er også fint:

“To make something good, just do it. To make something great, just re-do it, re-do it, re-do it. The secret to making fine things is in remaking them.”

Og det finaste av alle er dette:

“Trust me: There is no “them”.

Denne bloggen

By

On 1. februar 2021

In skriving, tips

Grunnen til å skrive denne bloggen er først og fremst å skrive den, så får formålet med den komme etterkvart. Eg kjem til å bruke den som eit verktøy for å dele eigne og andre sine idéar, og etterkvart skape ei slags idésamling.

Eg likar bloggformatet (eller RSS) for det gir meg muligheiten til å velge kven eg vil følge, og dermed styre straumen av informasjon.

Her er min måte å gjere det på, som eg kan anbefale; eg abonnerer på folk eg vil følge via Feedly, går gjennom blogginnlegga i Reeder, og lagrar tekstar i Instapaper som eg vil lese seinare.

Page 2 of 2

Previous

Powered by WordPress & Theme by Anders Norén