thomasreite.no

Stikkord: visdom

Visdomsorda til Kevin Kelly

By

On 29. mai 2023

In læring, livsråd, sjølvinnsikt

Noko av det første eg skreiv om på denne bloggen var om tech-guruen og forfattaren Kevin Kelly og dei 68 livsråda han la ut då han fylte 68. Ei fantastisk samling av korte, innsiktsfulle råd, samla og destillert gjennom eit langt liv. Desse visdomsorda har kun vore å finne på nettsida hans, men no har han gitt ut ei bok der han har samla alle: Excellent Advice for Living: Wisdom I Wish I’d Known Earlier. Eg har sans for visdomsord. Merlin Mann (ein annan kul podcast-fyr som eg har høyrt mykje på) har også ei fin samling som eg har skrive om før.

Eg skal definitivt lese boka. I mellomtida held eg på å lytte til eit par fine intervju med Kevin Kelly, mellom anna i Knowledge Project av Shane Parrish og Daily Stoic med Ryan Holiday.

Her er eit sitat frå boka til Kevin Kelly:

Ein lærar treng å lære

By

On 15. januar 2022

In kunnskap, lesing, politikk, rasisme, samfunn

Eg synest det er veldig spesielt når folk skryt av eigen uvitenheit. I alle fall når dei gjer det i ein offentleg kronikk, og enda meir når dei stiller opp på Dagsnytt 18 for å avsløre det enda meir.

Kronikkforfattaren er lærar på Oslo aust, noko som skal gi ei slags fjær i hatten og gi kredibilitet når det er snakk om rasisme. Det funkar ikkje.

Kronikken i seg sjølv er pinleg lesnad.

Det virkar som det ikkje går an å påpeike rasisme i Norge utan at nokon dreg “woke”-kortet. Det har blitt ein beleilig hersketeknikk å kansellere antirasistiske standpunkt ved å vise til det evinnelege woke-spøkelset.


Den slitte klisjéen “Norge er ikkje USA” dukkar óg opp. Den har eg høyrt før.

Meir skremmande blir det når Anne Herre Bisgaard omtalar antirasistisk arbeid nesten som om det var ein epidemi. «Vi lever i et samfunn der woke-bevegelsen, med sin kamp mot skjult rasisme og hvite privilegier strømmer gjennom sosiale medier og rett inn i klasserommene våre.»

Motdebattantane i studio, Edvard Botterli Udnæs og Nancy Herz er kloke og tålmodige. Meir tålmodige enn det eg hadde vore. Eg hadde berre sagt: kom deg heim og les deg opp! Start med å lese denne, denne, denne, denne eller denne. Det vil du og elevane dine nyte godt av.

Merlins visdomsord

By

On 5. desember 2021

In kunnskap, læring, lister, livsråd, sjølvinnsikt, tips

Eg kom nettopp over nok ei skattekiste på nettet. Merlin Mann, som eg har fulgt lenge, har laga ei samling av livsråd, lærdomar frå eige liv. Ikkje reint ulikt Kevin Kelly si liste som eg har nemnt før. Her er det mange ting eg treng å lese med jamne mellomrom. Denne her, for eksempel. Den traff meg veldig:

“Every few months, take at least one panorama photo of your kid’s room. At least annually, secretly record your kid talking for at least ten minutes. I promise you’ll treasure both, and then you will curse yourself for not having done each way more often.”

Denne var også fin:

“Whatever your problem is, remember that before you can get better, you have to stop getting worse. Try first to stop getting worse.”

Og denne:

“Treat every person you encounter as though they are having a way worse day than you.”

Denne skal eg legge inn i tekst-spelelista eg skal lage.

Sanninga mellom ytterpunkta

By

On 15. november 2021

In diverse, kunnskap, livsråd, sjølvinnsikt, tankar, tips, Ymse

Det er sjeldan ein finn sanninga nøyaktig midt mellom to ekstreme synspunkt.

Ungdom, alderdom og visdom

By

On 20. september 2021

In kunnskap, sjølvinnsikt, tankar, tekstar

Når du er ung, er visdomen å finne hjå dei eldre.

Når du blir gamal, er visdomen å finne hjå dei unge.

Oppdatert eller kunnskapsrik

By

On 18. juli 2021

In bøker, historie, kunnskap, læring, lesing, livsråd, sjølvinnsikt, tekstar

Det er ein skilnad mellom å vere oppdatert og å vere opplyst. Ein kan sjå på nyheitssendingar i ei veke og bli oppdatert utan å bli kunnskapsrik. Det er éin ting å sjå på nyheitene heile dagen. Det er noko anna å lese ei god historiebok. Ein kan la seg rive med av den nyaste nyheitsstraumen, eller ein kan gå til kjeldene og hente fram kunnskap som har modna seg lenge. Å sjå på er ikkje det same som å forstå. Det det ser ut som er ikkje nødvendigvis slik det heng saman. Nyheitene viser forgrunnen, medan bøkene forklarar bakgrunnen. Vi kan forstå meir gjennom gamle historier enn gjennom siste nytt.

Om bøker

By

On 10. juli 2021

In lesing, livsråd, sjølvinnsikt

Det er viktig å få lest så mykje som muleg så tidleg som muleg, slik at du får lest dei bøkene som kjem til å forandre livet ditt.

Dei og oss

By

On 7. mai 2021

In samfunn, skriving

Folk kan delast inn i to grupper menneske. Dei som deler folk inn i to grupper og dei som ikkje gjer det.

Det er med andre ord fort gjort å dele folk opp i grupper. Det gir mening for folk. Akkurat som det ga meining for folk at lynet kom frå Tor med hammaren. Eller at det var mannen med ljåen som gjekk rundt og ga folk svartedauden.

Men no veit vi betre. Vi er alle i slekt. Og sjølv om vi ikkje hadde vore i slekt, ville det ikkje ha vore greitt å snakke nedsettande om andre.

Det går aldri bra når vi deler opp i «oss» og «dei». Eller som Kevin Kelly seier det: Trust me, there is no «them».

Det skjer ubevisst. Og det kan vi jobbe med.

Men nokre av oss gjer dette heilt bevisst. Kombinasjonen av makt, oppdeling av menneske i grupper, og nedvurdering av andre. Det skal vi alle sjå opp for.

Det er eigentleg ganske enkelt. Ikkje gjer det. Ikkje del folk opp i grupper av oss og dei, og ikkje snakk nedsettande om desse andre gruppene. Og når nokon gjer det, be dei slutte med det.

68 skikkeleg gode råd

By

On 3. februar 2021

In Ymse

Kanskje den beste oppdaginga eg gjorde på nettet i 2020 var denne lista med 68 råd frå web-guru Kevin Kelly. Det er ei liste det er verd å komme tilbake til igjen og igjen.

Det heile startar med:

“Learn how to learn from those you disagree with, or even offend you. See if you can find the truth in what they believe.”

Eitt av favorittråda mine er dette:

“A worthy goal for a year is to learn enough about a subject so that you can’t believe how ignorant you were a year earlier.”

Dette er også fint:

“To make something good, just do it. To make something great, just re-do it, re-do it, re-do it. The secret to making fine things is in remaking them.”

Og det finaste av alle er dette:

“Trust me: There is no “them”.

Powered by WordPress & Theme by Anders Norén